Намоиши нигораҳои нодири мавзеи Ғелот
Душанбе, 16.05.2014. (АМИТ «Ховар», Раъно Нусратуллозода).- Бахшида ба Рӯзи осорхонаҳо дар Осорхонаи муҷтамаи ҷумҳуриявии осорхонаҳои Кӯлоб 18 май «Рӯзи дарҳои кушод» эълон гардида, аз соати 8 то 21 тамошои ройгон ба роҳ монда мешавад. Тавре ки аз Вазорати фарҳанги ҷумҳурӣ иттилоъ доданд, шоми ин рӯз дар майдони назди фаввораи назди Осорхонаи таъриху кишваршиносии 2700-солагии Кӯлоб ҳунарнамоии ҳофизону мутрибони ҷавон дар назар аст. Дар давоми рӯз бо ширкати намояндагони расмии ҳукумати шаҳр, олимони Донишгоҳи давлатии омӯзгории Кӯлоб таҳти унвони «Осорхона-ифодагари таърихи тамаддун» мизи мудаввар баргузор мегардад.
Инчунин дар Хона-музейи шоир ва ҳофизи халқ Сайдалӣ Вализода бо иштироки кормандони илмии муҷтамеъ, толибилмони мактабҳои таҳсилоти олӣ ва миёнаи шаҳри Кӯлоб, адибон Ҳақназар Ғоиб, Лутфӣ Хомӯш, Хосият Вализода бахшида ба 600-солагии шоири классики тоҷику форс Нуриддин Абдураҳмони Ҷомӣ баргузории конфронс дар назар аст.
Ҳамзамон нигораҳои нодире, ки аз ҷониби бостоншинос Миралӣ Куганов аз мавзеи Ғелот ёфт шудаанд, дар давоми 15 рӯз дар толори таъриху археологияи Осорхонаи таъриху кишваршиносии 2700-солагии Кӯлоб ба маърази тамошо гузошта мешаванд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






