Намояндагии ҶТ дар ФР мушкилоти муҳоҷиронро осон кард
Душанбе, 14.05.2014. (АМИТ «Ховар, Лайло Тоирӣ). – Бо мусоидати Намояндагии Вазорати меҳнат, муҳоҷират ва шуғли аҳолии ҶТ дар ФР қарзи маоши гурӯҳи муҳоҷирони меҳнатии Тоҷикистон дар ҳаҷми 200 ҳазор рубл пардохта шуд.Тавре ки аз намояндагии Хадамоти муҳоҷирати ҶТ дар ФР хабар доданд, сокини ноҳияи Панҷакенти вилояти Суғд Мусулмонов Холмуъмин зимни аризааш хоҳиш карда буд, ки масъалаи пардохти маоши гурӯҳи бинокорон ҳал шавад. Мувофиқи суханони мавсуф, гурӯҳи сохтмончиён дар як зумра иншоотҳои сохтмонии шаҳри Екатеринбурги вилояти Свердловск корҳои сохтмониро ба ҷо оварда, вале маошашон пурра пардохта нашудааст.Баъди суҳбати корманди намояндагӣ бо роҳбарияти ширкати сохтмонӣ ин масъала ба таври мусбат ҳал шуд.