Низоми кредитӣ ва мушкилоти он

Май 31, 2014 10:54

Душанбе, 31.05.2014. (АМИТ «Ховар», Раъно Нусратуллозода).-Дар Донишгоҳи давлатии омӯзгории Тоҷикистон ба номи С.Айнӣ конфронси илмӣ -амалӣ дар мавзӯи «Низоми кредитии таҳсилот, мушкилот, таҷриба ва роҳҳои ҳалли он» доир гардид, ки гузоришоту маърӯзаҳои устодони донишгоҳу намояндагони дигар макотиби олии кишварро фарогир шуд. 
Тавре ки котиби матбуоти донишгоҳ Бахтиёри Абдураҳим иттилоъ дод, ректори донишгоҳ  Абдуҷаббор Раҳмонов изҳори назар кард, ки ин низом, ки дар асоси таҷрибаи кишварҳои пешрафтаи дунё ҷорӣ шудааст, аз устод дониши саҳеҳу малакаи касбӣ ва аз донишҷӯ худомӯзиро тақозо мекунад. Ӯ ба иштирокдорони конфронс барор хоста, таманно кард, ки дар ҳамбастагӣ роҳҳои ҳалли мушкилот ва бурди соҳаро пайгирӣ хоҳанд намуд. 
Устоди Донишгоҳи омӯзгорӣ  Алишер Ҷӯраев гуфт, ки низоми кредитии таҳсилот дар донишомӯзии донишҷӯён нақши калон мебозад. Донишҷӯ тахминан 70 фоиз худаш бояд мустақилона кор кунад. Вазифаи муаллим роҳ нишон додан, мавод додан ва ҳавасманд кардани ҳамон донишҷӯст. Ин низом дар чандин давлат мавриди амал қарор дорад. Ба изҳори мавсуф, яке аз мушкилоти асосӣ дар ин самт он аст, ки донишҷӯёни мо дар даст маводи асосиро надоранд. Бояд заминаи моддӣ-техникиро мустаҳкам гардонем, агар ба донишҷӯ маводи асосиро бидиҳем, ӯ худ мустақилона меомӯзад.
Дар конфронс иштирокдорон дар мавзӯъҳои «Масоили ҳалталаби низоми кредитӣ дар мактабҳои олии Ҷумҳурии Тоҷикистон», «Татбиқи низоми кредитӣ, мушкилот ва роҳҳои ҳалли он», «Такомули таъминоти иттилоотии раванди таълим дар низоми таҳсилоти кредитӣ» маърӯза намуданд.
 
 

Май 31, 2014 10:54

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд