Оғози амалиёти «Кӯкнор» дар ҷумҳурӣ
Душанбе, 20.05.2014. (АМИТ «Ховар», Мавҷуда Анварӣ).-Дар Агентии назорати маводи нашъаовари назди Президенти Ҷумҳурии Тоҷикистон ҷаласаи якуми Ситоди амалиёти «Кӯкнор-2014» баргузор гардид.
Дар ҷаласа масъалаҳои ташкилӣ оид ба гузаронидани амалиёти «Кӯкнор-2014», инчунин ҳамкории вазорату идораҳои дахлдор баррасӣ гардиданд. Нақшаи гузаронидани чорабинӣ тасдиқ гардид, ки ба он самтҳои асосӣ, аз ҷумла ташкили ҳамкорӣ бо мақомоти ҳифзи ҳуқуқ бо мақсади коркарди амалҳои якҷоя оид ба пешгирии самтҳои интиқол, истеҳсол ва фурӯши воситаҳои нашъадор, ҷамъбасти иттилоот дар бораи муомилоти ғайриқонунии маводи нашъаовари пайдоиши растанидошта, муайян намудани мавзеъҳои гузаронидани амалиёт, таъмини назорат аз болои иҷрои амрномаҳо, ошкор ва нобуд сохтани киштҳои бангдонаҳои худрӯй, гузаронидани корҳои фаҳмондадиҳӣ дар байни аҳолӣ дохил мешаванд.
Дар кори ҷаласа намояндагони Вазорати корҳои дохилӣ, Кумитаи давлатии амнияти миллӣ ва Хадамоти гумруки назди Ҳукумати ҶТ иштирок намуданд.
Дар доираи амалиёти «Кӯкнор» гузаронидани амалиёти байналмилалии «Канал» дар назар аст. Барои гузаронидан, назорат кардан ва ҳамоҳанг сохтани фаъолияти мақомоти ҳифзи ҳуқуқ, сохторҳои қудратӣ ва ҳокимияти маҳаллӣ дар шаҳри Душанбе, ВМКБ, вилоятҳо, шаҳру ноҳияҳо ситодҳои корӣ ташкил гардиданд.
Амалиёти «Кӯкнор» дар қаламрави ҷумҳурӣ аз имрӯз, 20 май оғоз гардида, 30 ноябр анҷом меёбад.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






