Оғози семинарҳои Ассотсиатсияи волонтёрони Тоҷикистон
Душанбе, 15.05.2014 (АМИТ «Ховар», Фарзонаи Давлат).- Ассотсиатсияи миллии волонтёрони Тоҷикистон барои амалӣ кардани ҳадаф ва вазифаҳои ассотсиатсия имрўз дар толори Китобхонаи вилоятии шаҳри Курғонтеппа семинари омӯзишии минтақавӣ доир намуд.
Тавре ки дар ин бора аз Кумитаи ҷавонон, варзиш ва сайёҳӣ хабар доданд, семинари омӯзишӣ таҳти унвони «Рушди волонтёрӣ дар Тоҷикистон» баргузор гардида, дар он намояндагони Ассотсиатсия ва ҷавонони ихтиёрӣ иштирок карданд.
Гуфта мешавад, ки баргузории чунин чорабиниҳо рӯзи 16 май дар толори Маркази фарҳангии шаҳри Кўлоб ва дар дигар манотиқи кишвар дар назар аст.