Омилҳои таъсирбахши ҷинояткорӣ аз ҷониби ҷавонон

Май 26, 2014 10:44

Душанбе, 26.05.2014. (АМИТ «Ховар, Мавҷуда Анварӣ). — Дар Донишгоҳи славянии Тоҷикистону Русия вохӯрии донишҷӯён-хатмкунандагони факултаи ҳуқуқ бо кормандони Агентии назорати маводи нашъаовари назди Президенти Ҷумҳурии Тоҷикистон баргузор гардид. Мақсади вохӯрӣ шинос намудани хатмкунандагони донишгоҳ бо самтҳои асосии фаъолияти агентӣ ва шартҳои қабул ба кор буд. Дар вохӯрӣ сухан атрофи огоҳ намудани ҷавонон аз сӯйистеъмоли маводи нашъаовар, ҷалб намудани онҳо ба нашъамандӣ, зарари истеъмоли маводи нашъаовари синтетикӣ, мушкилоти ҷинояткорӣ ва ҳуқуқвайронкунӣ, ҷанбаҳои тиббӣ ва иҷтимоии сӯйистеъмоли маводи нашъаовар рафт. Инчунин омилҳои таъсирбахши ҷинояткорӣ аз ҷониби ҷавонон баррасӣ гардиданд.

Май 26, 2014 10:44

Хабарҳои дигари ин бахш