Пешниҳоди ҷои кор барои корҷӯён

       Душанбе, 19.05.2014. (АМИТ «Ховар», Лайло Тоирӣ).-   Бино ба иттилои шуъбаи робитаҳои байналмилалӣ ва ҷамъиятии дастгоҳи марказии Агентии меҳнат ва шуғли аҳолӣ  21  майи соли 2014 дар ноҳияи Рашт ярмаркаи ҷойҳои корӣ ва ва вазифаҳои озод баргузор мегардад. Ярмарка  дар назди бинои Қасри фарҳанги ноҳия дар доираи зиёда аз 220 ҷойи кори холӣ аз ҳисоби ташкилотҳои давлатӣ ва ғайридавлатӣ доир мешавад. 
Бино ба маълумоти агентӣ  22 май дар ноҳияи Ҳисор  дар назди бинои Раёсати Агентии меҳнат ва шуғли аҳоли ноҳия ярмаркаи ҷойҳои корӣ ва вазифаҳои озод дар доираи беш аз 1000 ҷойи кор баргузор мегардад. Дар ярмарка ба корҷўёну муҳоҷирони меҳнатӣ дар баробари ҷойҳои холӣ роҳхат барои касбомўзӣ, иштирок дар корҳои ҷамъиятӣ, инчунин шаҳодатномакунонии малакаҳои касбӣ ва маслиҳатҳои ҳуқуқӣ қабл аз сафар ба муҳоҷирати меҳнатӣ дода мешавад.
     Ҳамаи хоҳишмандон метавонанд дар ярмаркаҳо иштирок намоянд.