Пешсафии варзишгарони Душанбе дар бозиҳои варзишӣ

Душанбе, 19.05.2014 (АМИТ «Ховар», Фарзонаи Давлат).-Тибқи натиҷаҳои  бозиҳои варзишии  Тоҷикистон дар намуди  гӯштини  тарзи озод,  баскетбол   дастаи Душанбе бо гирифтани 8 медали тилло, 4 нуқра ва  4 биринҷӣ пешсаф мебошад. 
Варзишгарони вилояти Хатлон бо гирифтани 3 медали нуқра, 5 биринҷӣ мақоми дуюмро касб мекунанд ва  дастаҳои вилояти Суғду ВМКБ бо гирифтани 2 медали нуқра, 4 нуқра ва  2 биринҷӣ  мақоми сеюму чаҳорумро ишғол кардаанд.
Тавре ки дар ин бора аз Кумитаи ҷавонон, варзиш ва сайёҳӣ хабар доданд, то ҳол дар доираи бозиҳои варзишӣ аз рӯи 7 намуди дигар: гӯштини миллӣ, самбо, дзюдо, бокс, таэквондо (ВТФ) , баскетбол ва гӯштини тарзи озод рақобатҳо миёни варзишгарон ҷараён дошта, феълан варзишгарони дастаи Душанбе  пешсаф мебошанд.