Роҳбарияти ДТТ- қурбони садама

Май 26, 2014 10:11

Душанбе, 26.05.2014. (АМИТ «Ховар, Мавҷуда Анварӣ). -24 майи соли ҷорӣ тахминан соати 14:20-дақиқа ронандаи мошини тамғаи «ГАЗ-3102», рақами давлатиаш 26-24 В РТ шаҳрванд Бақоев Умед Шафкатович, соли таваллудаш 1990, ронандаи Донишгоҳи техникии Тоҷикистон, сокини шаҳри Душанбе, ҳангоми ҳаракат аз тарафи шаҳри Душанбе ба тарафи деҳаи Зиддии ноҳияи Варзоб, дар километри 47-уми роҳи мошингарди Душанбе-Хуҷанд аз уҳдаи идораи воситаи нақлиёт набаромада, ба дарёи «Варзоб» чаппа шудааст.Дар натиҷа мусофирони мошини мазкур Оев Абдулаҳад Мансурович, соли таваллудаш 1963, ноиби ректори Донишгоҳи техникии Тоҷикистон, Турсунов Абдуқаҳҳор Абдусамадович, соли таваллудаш 1961, декани донишгоҳи мазкур ва Сангинов Облоқул Камарович, соли таваллудаш 1955, сокинони шаҳри Душанбе, ҷароҳатҳои ҷисмонӣ бардошта, дар дарёи «Варзоб» ғарқ шуда, ба ҳалокат мерасанд.Ронанда У . Бақоев ва мусофири дигараш шаҳрванди Федератсияи Русия, Кашуба Владимир Багданович, соли таваллудаш 1964, ноиби ректори Донишгоҳи Давлатии шаҳри Братск, истиқоматкунандаи вилояти Иркутск, аз дохили дарё сиҳату саломат баромаданд.Ҷасади шаҳрвандон А.М. Оев ва О.К. Сангинов аз дарё бароварда шуда, барои дарёфти ҷасади шаҳрванд А.А. Турсунов чораҳои фаврӣ-ҷустуҷӯӣ аз ҷониби ҳайати шахсии ШВКД дар ноҳияи Варзоб дар якҷоягӣ бо аҳли ҷамоат идома дорад.

Май 26, 2014 10:11

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд