Сафари А. Қодирӣ ба водии Зарафшон

Душанбе, 16.05.2014. (АМИТ «Ховар», Мавҷуда Анварӣ). — Бо мақсади шиносоӣ бо вазъи хоҷагии халқ ва раванди корҳои бунёдкорӣ раиси вилояти Суғд Абдураҳмон Қодирӣ бо сафари корӣ ба ноҳияи Айнӣ ва шаҳри Панҷакент рафт.
Абдураҳмон Қодирӣ нахуст ба ноҳияи Айнӣ ташриф оварда, бо ҷараёни сохтмони Қасри фарҳанги ин ноҳия шинос гардид.  Сипас раиси вилоят бо ҷараёни корҳои таъмир ва барқарорсозии беморхонаи марказии ноҳия шинос шуда, зимни суҳбат бо масъулин ҷиҳати бо сифати баланд ба анҷом расонидани корҳо дастур дод.
Раиси вилоят ҳамчунин ба ҷамоати деҳоти Косатароши шаҳри Панҷакент рафта, аз коргоҳи бунёдшавандаи заршӯӣ дидан кард. Ин коргоҳ дар назди ҶДММ КМ «Зарафшон» бунёд гардида, он дорои иқтидори коркарди 10 ҳазор тонна маъдан дар як шабонарӯз мебошад.