Сайри мошинҳо ба истиқболи Рӯзи Ғалаба
Душанбе, 06.05.2014. (АМИТ «Ховар», Лайло Тоирӣ).- Кумитаи Марказии Ташкилоти ҷамъиятии мададгори мудофиаи Ҷумҳурии Тоҷикистон дар доираи татбиқи «Барномаи давлатии тарбияи ҳарбӣ-ватандўстӣ ва рушди намудҳои ҳарбӣ-амалии варзиш байни наврасону ҷавонони синни тодаъватӣ ва даъватии Ҷумҳурии Тоҷикистон барои солҳои 2012-2015» ба истиқболи 69-умини солгарди Ғалаба дар Ҷанги Бузурги Ватанӣ рӯзи 7 майи соли 2014 сайри анъанавии мошинҳоро доир месозад. Тавре ки котиби матбуоти кумита Абдурақиб Қодиров иттилоъ дод, сайри мошинҳо соати 08:30 дақиқа аз назди бинои Кумитаи Марказии Ташкилоти ҷамъиятии мададгори мудофиаи Ҷумҳурии Тоҷикистон оғоз шуда, то боғи Ғалабаи пойтахт, пояи муҷассамаи «Модар-Ватан»-и шаҳри Ваҳдат ва майдони «Сарбози номаълум»-и шаҳри Норак давом мекунад.Дар чорабинӣ афсарони Қувваҳои Мусаллаҳ, собиқадорони ҷангу меҳнат, ҷанговарони башардўст, наврасону ҷавонони синни мактабӣ ва кормандони масъули мақомоти давлатӣ иштирок намуда, дар ҷойҳои шарафи ҷангӣ, гулхани абадӣ ва маҷмааҳои ёдгориву поси хотир гулчанбар гузошта, дар боби сабақи таърихии ҷанг ва оқибатҳои он, инчунин таҳкими фазои сулҳу оромӣ суханронӣ намуда, шеърҳои ватандўстона қироат хоҳанд кард.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






