“Сарқонуни сарнавиштсоз”- намоиши китобҳо

Душанбе, 23.05.2014. (АМИТ «Ховар», Раъно Нусратуллозода).-Бахшида ба 20-солагии Сарқонуни Ҷумҳурии Тоҷикистон дар  шуъбаи хизматрасонӣ ба муштариёни Китобхонаи миллии Тоҷикистон бо номи “Сарқонуни сарнавиштсоз” намоиши китобҳо баргузор гардид. 
Тавре ки аз Китобхонаи миллӣ иттилоъ доданд, дар толори намоиш китобҳои нависандагони тоҷик, аз қабили “Асри қонун”, “Конститутсия ва ташаккули ҳокимияти давлатӣ”, Ташаккули қонуни асосии Тоҷикистони муосир”, “Маҷмӯи қонунҳои Ҷумҳурии Тоҷикистон”, “Маҷлиси Олӣ (Парламент)-и Ҷумҳурии Тоҷикистон” ва “Тафсири илмию оммавии Конститусия (Сарқонон)-и Ҷумҳурии Тоҷикистон» ба маърази тамошо гузошта шуданд.
 Ёдовар мешавем, ки ду ҳафта қабл бахшида ба 69- солагии иди Ғалаба намоиши китобҳои нависандагони тоҷику рус оид ба Ҷанги Бузурги Ватанӣ ба маърази тамошо гузошта шуд.