Семинар барои маъмурони имтиҳонҳои марказонидашудаи тестӣ

Душанбе, 26.05.2014. (АМИТ «Ховар», Фарзона Достонзода).- Семинари омӯзишӣ барои маъмурони имтиҳоноти марказонидашудаи тестӣ ба муассисаҳои таҳсилоти олии касбии вилояти Суғд 26 май оғоз ёфт. Тавре  ки аз Хадамоти матбуоти раиси вилояти Суғд иттилоъ доданд,  ин семинари омӯзишӣ то 7 июн идома меёбад.
Семинари мазкур дар муассисаҳои таълимии шаҳри Хуҷанд (Гимназияи №4, МТМУ №5), ноҳияи Бобоҷон Ғафуров (Гимназияи №1), шаҳри Истаравшан (Гимназияи №5) ва шаҳри Панҷакент (МТМУ №1) аз соати 8-00 то 16-00 идома меёбад.
Бояд гуфт, ки имсол ба марказҳои имтиҳонӣ аз вилоят беш аз 13 ҳазору 100 нафар хатмкунанда ҳуҷҷат супоридааст, ки 43 фоизи хатмкунандагони имсолаи мактабҳои Суғдро дар бар мегирад.