Шароити мусоид барои муҳокимаи масоили соҳибкорӣ
Душанбе, 28.05.2014. (АМИТ «Ховар», Анна Мощенко). – Бо ибтикори Бонки таҷдиду рушди Аврупо ва бо ҳамкории ширкатҳои консалтингии ҶТ аз 27 то 29 май дар шаҳри Душанбе «Ҳафтаи консалтинг (машварати ҳуқуқӣ) дар Тоҷикистон – 2014» баргузор мегардад.Ҷаласаҳои кушодаи иттилоотӣ аз рӯи самтҳои маркетинги стратегӣ, вебсайт чун олати судманд барои афзоиши фурӯши маҳсулот, идораи кадрҳо ва автоматикунонии меҳмонхонаҳо, тарабхонаю қаҳвахонаҳо намояндагони бахши соҳибкориро бо масоили мавриди таваҷҷуҳашон шинос мекунанд. Дар ҷараёни рӯзи аввали семинарҳо стратегияи ширкатҳо бо овардани мисолҳо аз таҷрибаи истеҳсолкунандагони маҳсулот ва хидматрасонии соҳибкорони маҳаллӣ муҳокима шуданд. Директори бахши рушди соҳибкории маркази тадқиқоти иҷтимоии «Зеркало» ва лектори семинари мазкур Парвиз Исоқов зикр намуд, ки чунин чорабиниҳо ду сол боз роҳандозӣ мешаванд, ки мақсад аз онҳо пайдо намудани тасаввуроти зарурӣ дар бораи хидматрасонии консалтингӣ мебошад. «Бартарияти асосии ин чорабинӣ иборат аз мубоҳисаи ошкоро буда, мо кӯшиш менамоем, ки барои муҳокимаи масоили мубрами соҳибкорӣ шароити мусоид фароҳам орем», — қайд намуд Парвиз Исоқов.20 — 22 май дар шаҳри Хуҷанд низ чунин семинарҳо доир гардиданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






