Шиносоии журналистон бо татбиқи лоиҳаи БРО
Душанбе, 13.05.2014. (АМИТ «Ховар, Екатерина Пасторова). – 25 май журналистон ба маҳалли татбиқи лоиҳаи Бонки рушди Осиё оид ба навсозии роҳи Душанбе – сарҳади Ӯзбекистон сафар мекунанд.
Хотирнишон месозем, ки ҳанӯз моҳи январи соли 2011 Бонки рушди Осиё ва Ҳукумати Тоҷикистон ҳуҷҷати қарзи бебозгашт дар ҳаҷми 120 миллион доллари ИМА – ро барои мусоидат ба Тоҷикистон ҷиҳати навсозии роҳе, ки шаҳри Душанберо бо сарҳади Ӯзбекистон пайваст менамояд, имзо карда буданд.
Роҳи зикршуда ҷузви Роҳрави № — 3 дар ҳошияи барномаи Ҳамкории минтақавии иқтисодии Осиёи Марказӣ ба шумор рафта, дар масофаи 7 ҳазор километр аз Федератсияи Русия дар Шимол то Халиҷи Форс дар Ҷануб тӯл мекашад.
«Сармоягузорӣ, ҷойҳои корӣ, тиҷорат, рушди иқтисодиёт ва коҳиш додани камбизоатӣ дар Тоҷикистон вобаста ба роҳи зикршуда аст», — қайд намуд намояндаи доимии Бонки рушди Осиё дар Тоҷикистон Ҷорҷ Токеши.