Сипоси шаҳрдорӣ ба «Хуршеди тобон» ва «Хоҷаи Шом»
Душанбе, 6.05.2014.(АМИТ «Ховар», Марзия Саидзода).- Шаҳрдории Душанбе барои сокинони ҷамоати деҳоти Карим Исмоилови шаҳри Ваҳдат, ки бар асари заминларзаи соли 2013 бесарпаноҳ монда буданд, 10 хона сохта ба истифода дод. Хонаҳои мазкур, ки якошёна ва замонавиянд, аз ҷониби 10 ширкати хонасози пойтахт бунёд гардидаанд. Ҳар хона аз чор ҳуҷра бо масоҳати умумии 110 метри мураббаъ сохта шуда, арзиши ҳар якеашон 216 ҳазор сомонист. Дар маҷмӯъ, барои сохтмони 10 хона 2 миллиону 160 ҳазор сомонӣ харҷ гардидааст.
Дар робита ба ин Маҳмадсаид Убайдуллоев -раиси шаҳри Душанбе барои бунёди хонаҳои истиқоматӣ ба роҳбарони ширкатҳои хонасоз -ҷамъиятҳои дорои масъулияташон маҳдуди «Сохтмони махсус», «Хонасоз-4», «Ниёз», «Строител ЛТД», «Бунёдкор Шодӣ», « ЖБК-1», «Мостоотряд», «Сарикиштӣ», «Хуршеди тобон» ва «Хоҷаи Шом» арзи сипос баён намуд.
Бар асари зилзилаи рӯзҳои 10-11 ноябри соли 2013, ки дар ҷамоати деҳоти Карим Исмоилови шаҳри Ваҳдат рух дод, 104 хона пурра вайрон, 259 хона қисман хароб гардида, даҳҳо оила бесарпаноҳ монданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






