Тақдими унвонҳо ба аъзои Академияи хурди илмҳо

Душанбе, 28.05.2014. (АМИТ «Ховар», Ситораи Боймурод).- 24 майи соли равон дар шаҳри Душанбе сессияи ҷумҳуриявии Академияи хурди илмҳо бо иштироки 500 нафар хонандаи мактабҳои таҳсилоти умумии ҷумҳурӣ доир гардид.Тавре ки дар ин бора хадамоти раиси вилояти Суғд хабар додааст, дар он аз вилояти Суғд 95 нафар хонанда, ки ғолиби сессияи вилоятии Академияи хурди илмҳо дониста шуданд, ширкат варзид. Бояд гуфт, дар ҷамъбасти маърӯза 55 нафар хонандаи мактабҳои вилоят сазовори ҷойҳои ифтихорӣ, аз ҷумла 42 нафар сазовори ҷойи якум, 10 нафар ҷойи дуюм ва 3 нафар сазовори ҷойи сеюм дониста шуд. Ба 30 нафар иштирокчии сессия унвони аъзо — мухбири Академияи хурди илмҳо ва ба 10 нафар унвони аъзои ҳақиқии Академияи хурди илмҳо дода шуд.