Тоҷикистон бо Шэнси масъалаҳои тиҷоратиро баррасӣ кард
Душанбе, 28.05.2014. (АМИТ «Ховар», Манижа Баҳромзода).-Имрӯз дар шаҳри Душанбе вохӯрии тиҷоратии доираи соҳибкорони музофоти Шэнсии Ҷумҳурии Мардумии Чин бо намояндагони соҳибкори тоҷик баргузор гардид. Дар чорабинии мазкур намояндаи Палатаи савдо ва саноати кишвар, Вазорати кишоварзӣ ва академияи кишоварзӣ, Ассотсиатсияи хоҷагиҳои деҳқонии Тоҷикистон, Сафири Фавқулода ва Мухтори Ҷумҳурии Мардумии Чин (ҶМЧ) дар Тоҷикистон ширкат намуданд. Ҳайати тиҷоратию иқтисодии ҶМЧ иборат аз 30 нафар буда, онро роҳбари идораи тиҷоратии Шэнси Яо Чаонин сарварӣ намуд. Ҳадафи сафари навбатии соҳибкорони музофоти Шэнси ба Тоҷикистон-ошно гаштан бо иқтидори иқтисодӣ ва маблағгузории Тоҷикистон, ба имзо расонидани созишномаҳои корӣ бо сохторҳои тиҷоратии кишвар, матраҳ намудани имкониятҳои дуҷониба ва барпо намудани муносибатҳои нав дар соҳаҳои тиҷорат, маблағгузорӣ, саноати сабук ва бофандагӣ, мошинсозӣ, истеҳсоли масолеҳи сохтмон ва сайёҳӣ мебошад. Тавре ки Асаналӣ Карамалиев, муовини аввали раиси Палатаи савдо ва саноати Тоҷикистон ба хабарнигори АМИТ «Ховар» иттилоъ дод, ниҳоди онҳо рӯзҳои наздик ният дорад бо Департаменти тиҷоратии музофоти Шэнси барои рушди ҳамкориҳои тиҷоратӣ ва иқтисодии Тоҷикистон созишномаеро ба имзо расонад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






