Тоҷикистон — такягоҳи сулҳ
Душанбе, 19.05.2014.(АМИТ «Ховар», Марзия Саидзода).-«Ҳифз ва таҳкими сулҳу дӯстӣ вазифаи муқаддаси ҳар фарди ватандӯсту ватанпараст, хусусан ҷавонон аст»,-чунин зикр шуд дар ҷараёни баргузории кофронси илмӣ, ки дар Донишгоҳи аграрии Тоҷикистон ба номи Шириншоҳ Шоҳтемур таҳти унвони «Тоҷикистон- такягоҳи сулҳ» баргузор гардид.
Ин ҳамоиш, ки дар он ҳайати устодону донишҷӯёни донишгоҳи мазкур иштирок доштанд, бо ибтикори Ташкилоти ҷамъитии «Кумитаи сулҳ ва ризоияти миллии Ҷумҳурии Тоҷикистон» созмон дода шуд. Саломат Мироқилова-муовини аввали ин ниҳод доир ба нақши ташкилоти ҷамъитии «Кумитаи сулҳ ва ризоияти миллии Ҷумҳурии Тоҷикистон», тарғиби пойдории сулҳу ваҳдат, ғояҳои сулҳпарварона, зиндагии осоишта, муносибати нек ба ҳамдигар, саҳм доштани ҷомеа дар таъмини сулҳу субот ва якпорчагиву ваҳдати миллии кишвар ибрози назар намуд.
Зикр шуд, ки Тоҷикистон дар арсаи ҷаҳонӣ ҳамчун давлати сулҳпарвар эътироф шудааст. Ин аст, ки таҷрибаи сулҳи тоҷикон дар арсаи байналмилалӣ мавриди омӯзиш ва таҳқиқи ҳамаҷониба қарор дорад ва ҳатто таҷрибаи сулҳи тоҷикон дар бархе аз кишварҳое, ки ба низоъҳои дохилӣ рӯ ба рӯанд, мавриди истифода қарор дода мешавад.
Ҳамзамон дар конфронс Гавҳар Шарофзода-раиси Кумитаи забон ва истилоҳоти назди ҳукумати ҷумҳурӣ, Амонулло Салимов-ректори Донишгоҳи аграрии Тоҷикистон ва дигарон доир ба таҳкими сулҳу оромӣ, дӯстиву ваҳдати миллӣ ибрози назар намуда, ҷавононро ба ҳифзи субот ва дастовардҳои замони соҳибистиқлолии кишвар ҳидоят намуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






