Тоҷикистону Беларус-дар арзҳои дӯстӣ ва ҳамкорӣ
Душанбе, 19.05.2014.(АМИТ «Ховар», Марзия Саидзода).- Масоили тақвияти густариши ҳамкориҳои фарҳангӣ ва илмию адабӣ дар доираи ҷамъиятҳои дӯстии Тоҷикистону Беларус зимни мулоқоти Сайдулло Хайруллоев-раиси Ҷамъияти дӯстӣ ва равобити фарҳангии Тоҷикистон бо кишварҳои хориҷӣ /ҶДРФТ/ бо Олга Гаврук -сафири фавқулода ва мухтори Ҷумҳурии Беларус дар Ҷумҳурии Тоҷикистон матраҳ гардиданд.
Сайдулло Хайруллоев ба сатҳи ҳамкориҳои Тоҷикистону Беларус дар соҳаҳои мухталиф баҳои баланд дода, изҳор дошт, ки дар баробари таҳкими равобити мутақобилан судманд, мо бояд дар бахшҳои фарҳанг ва илму маориф ҳамкориҳоро тақвият бахшем. Заминаҳои нави робитаҳоро дар доираи ҷамъиятҳои дӯстии мазкур ва ҳамкории Тоҷикистон ва Беларус муайян ва нақшаҳои ояндаро баррасӣ намуда, нақшаи баргузории чорабиниҳои гуногуни фарҳангии дуҷонибаро дар ҳамкорӣ бо ҷамъиятҳои дӯстии ҳар ду кишвар матраҳ созем.
Раиси Ҷамъияти дӯстӣ таъкид кард, ки байни Тоҷикистон ва Беларус ҳамкории дӯстона вуҷуд дорад ва он аз муносибати самимӣ ва содиқонаи роҳбарияти олии ду кишвар маншаъ мегирад. Дар ин замина мардумони тоҷику беларус низ дар партави робитаҳои дӯстона ва ҳасанаи сарварони кишварҳои худ ба ҳамдигар муносибати нек доранд.
Олга Гаврук -Сафири фавқулода ва мухтори Ҷумҳурии Беларус таъкид кард, ки Сафорати Ҷумҳурии Беларус дар Ҷумҳурии Тоҷикистон омодаи таҳким бахшидани муносибот дар доираи ҷамъиятҳои дӯстист.
Ҳамзамон Ҳайдар Одинаев -ректори Донишгоҳи техникии Тоҷикистон, Анвар Абдурасулов-раиси ҷамъияти дӯстии «Тоҷикистон — Беларус», Олег Вонсяк -муовини сафири Беларус дар Тоҷикистон, инчунин Мушаррафа Шарифова -муовини раиси Раёсати ҶДРФТ доир ба тавсеаи муносиботи фарҳангӣ ва илмиву адабии ду кишвар дар доираи ҷамъиятҳои дӯстӣ ва ҳамкории ду давлат табодули назар намуданд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
