Варзиш -омили ташаккули ҳаёти солим

Душанбе, 20.05.2014. (АМИТ «Ховар», Лайло Тоирӣ).-Дар  варзишгоҳи Маркази тибби шаҳрии Душанбе бахшида ба зодрӯзи Абуалӣ ибни  Сино,  рӯзи  иди касбии табибони тоҷик, 90-солагии шаҳри Душанбе ва соли рушди футбол  мусобиқаи шашуми футболи хурд байни дастаҳои  муассисаҳои соҳаи тандурустии кишвар оғоз гардид. Ин мусобиқот аз 10 то 21 маи соли равон байни 17 дастаи муассисаҳои тандурустӣ  ҷараён мегирад . 
Бино ба иттилои хадамоти матбуоти вазорат,  дар маросими ифтитохи  мусобиқа муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Наврӯз Ҷаъфаров, муовини  раиси шаҳри Душанбе Руқия Қурбонова, сардори Раёсати тандурустии шаҳри Душанбе Бобоқул Мӯминов ва масъулини дигар идораву муассисаҳо иштирок намуданд. 
Дар маросим зикр гардид, ки  машғул шудан ба футбол  ва дигар намудҳои варзиш омили асосии ташаккули тарзи ҳаёти солим аст.
Пагоҳ, 21 май мусобиқа ҷамъбаст гардида, ғолибони он  бо туҳфаҳои  вазорат ва иттифоқҳои касабаи ҷумҳурӣ сарфароз хоҳанд шуд.