«Васатия» дар Душанбе равзана боз карданист

 
 Душанбе, 7.05.2014.(АМИТ «Ховар», Марзия Саидзода).- «Давлати Кувайт тасмим гирифтааст, ки дар Душанбе Маркази ҷаҳонии «Васатия»-ро ифтитоҳ намояд». Ин матлабро Одил Абдуллоҳ ал-Фаллоҳ- муовини аввали вазири авқофи Давлати Кувайт, ки ҳамзамон раиси Маркази ҷаҳонии «Васатия» аст, дар ҷараёни мулоқоташ бо Эмомалӣ Раҳмон- Президенти Ҷумҳурии Тоҷикистон дар Душанбе зимни баррасии масоили ҳамкории  Тоҷикистону Кувайт  ва ҳамгироии кишварҳои мусулмонӣ  иброз намудааст.  
             Одил Абдуллоҳ ал-Фаллоҳ афзудааст, ки Маркази ҷаҳонии «Васатия» чун созмони миёнарав дар мубориза бо терроризму ифротгароӣ ва тарғиби оини таҳаммулпазирӣ дар ҷаҳони ислом мавқеи устувору муассир дорад.