Ярмаркаи пешниҳоди ҷои кор дар Бибихуррам

Душанбе, 20.05.2014. (АМИТ «Ховар», Лайло Тоирӣ).-Агентии меҳнат ва шуғли аҳолии Вазорати меҳнат, муҳоҷират ва шуғли аҳолии Ҷумҳурии Тоҷикистон рӯзи  22 майи соли 2014 дар вилояти Хатлон дар назди теппаи Бибихуррам, Наврўзгоҳи шаҳри Қурғонтеппа бо иштироки раёсату шуъбаҳои Агентии меҳнат ва шуғли аҳолӣ дар шаҳру ноҳияҳои Қурғонтеппа, Сарбанд, Бохтар, Вахш, Ҷиликул ва Ҷомӣ ярмаркаи ҷойҳои кории холӣ ва вазифаҳои озодро  баргузор менамояд.
Бино ба иттилои шуъбаи робитаҳои байналмилалӣ ва ҷамъиятии  дастгоҳи марказии Агентии  меҳнат ва шуғли аҳолӣ   дар ярмарка зиёда аз 1000 ҷойҳои кор аз ҳисоби ташкилотҳои давлатӣ ва ғайридавлатӣ пешкаш мешавад. Дар ярмаркаи ҷойҳои корӣ ба корҷўёну муҳоҷирони меҳнатӣ дар баробари ҷойҳои кории холӣ роҳхат барои касбомўзӣ, иштирок дар корҳои ҷамъиятӣ, инчунин шаҳодатномакунонии малакаҳои касбӣ ва маслиҳатҳои ҳуқуқӣ қабл аз сафар ба муҳоҷирати меҳнатӣ пешкаш мешавад.
     Дар ярмарка ҳамаи хоҳишмандон метавонанд иштирок кунанд.