Ёде аз Нигина-нигини санъати тоҷик
Душанбе, 21.05.2014. (АМИТ «Ховар, Мавҷуда Анварӣ). — Имрӯз Ҳофизи мардумии Тоҷикистон, барандаи Ҷоизаи давлатии ба номи Абуабдуллои Рӯдакӣ Нигина Рауфова зодрӯз дорад. Бахшида ба ин ҷашн дар ноҳияи Файзобод, зодгоҳи марҳум расми ифтитоҳи Филармонияи халқии ба номи Нигина Рауфова доир шуд. Ҳамчунин имрӯз ба хотири 69-солагии Нигина Рауфова маҳфили ёдбуд баргузор гардид, ки дар он ёру дӯстон, ҳамкасбон, пайвандон ва дӯстдорони санъати асили ин ҳофизаи шинохта ширкат варзиданд.
Нигина Рауфова 21 майи соли 1945 дар рустои Шерамони ноҳияи Файзобод зода шудааст.
Муваффақияти Нигина дар маҳорати бесобиқаи ӯ зимни иҷрои таронаҳои мардумӣ дониста мешавад. Аммо сурудҳои хондааш бо забонҳои озарӣ, туркманӣ, русӣ, ӯзбакӣ ва оҳангҳои афғониву эрониву арабӣ ба дили мухлисон хеле амиқ ҷо гирифтаанд. Нигинаро барои маҳорати баланди овозхонӣ ва чеҳраи тоҷиконааш шомили барномаҳои ҳунарие мекарданд, ки бояд дар хориҷи кишвар сурат мегирифт. Нигина Рауфова Тоҷикистонро то ба Аврупо муаррифӣ кардааст. Аввалин сафари ҳунарияш дар ҳайати дастаи занони рубобнавоз соли 1978 ба Беларусу Молдова буд. Дар соли 1978 ҳамроҳ бо гурӯҳи рақсии “Лола” дар Фаронса ҳунарнамоӣ карда буд.
Нигина Рауфова 22 декабри соли 2010 дар синни 65 бар асари сактаи қалб даргузашт.
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
