Қадаме ба сӯи ҳаёти солим

Душанбе, 24.06.2014 (АМИТ «Ховар», Мавҷуда Анварӣ).- Бахшида ба Рӯзи ҷаҳонии мубориза бар зидди нашъамандӣ аз 16 то 26 июни соли 2014 дар шаҳри Қайроққум “Даҳаи саломатӣ”  эълон гардидааст.
Дар доираи ин чорабинӣ  аз ҷониби бахшҳои кор бо ҷавонон, варзиш ва сайёҳӣ, кор бо занон ва оила, шуъбаҳои тандурустиву маорифи шаҳр бо ҷавонон ва наврасон дар лагерҳои истироҳатӣ семинарҳои омӯзишӣ,  мусобиқаҳои варзишӣ ва озмунҳои  фарҳангӣ  гузаронида мешаванд. 
19 июн дар толори “Кохи Истиқлол”-и шаҳри Қайроққум чорабинии маърифатию фарҳангӣ бо номи “Қадам ба сӯи ҳаёти солим”  баргузор гардид. Дар чорабинӣ 260 нафар ҷавон аз корхонаву ташкилотҳо, хонандагони мактабҳо, донишҷӯёни Коллеҷи тиббӣ иштирок намуданд.  
Дар ин бора аз Хадамоти матбуоти раиси вилояти Суғд иттилоъ доданд.