Ҳадяи ИА ба Агентии суғуртаи иҷтимоӣ
Душанбе, 13.062014.(НИАТ «Ховар», Фарзона Достонзода).- Иттиҳоди Аврупо ба Агентии суғуртаи иҷтимоӣ ва нафақаи Тоҷикистон ба маблағи 894 ҳазор евро таҷҳизоти техникӣ ҳадя намуд.Тавре ба АМИТ «Ховар» аз намояндагии Иттиҳоди Аврупо дар Тоҷикистон иттилоъ доданд, ин таҷҳизот дар чорчӯбаи лоиҳаи «Таъминот барои дастгирии ислоҳоти низоми нафақа» аз тарафи ширкати «КАНКОМ он лайн ГмбХ» ба ин Агентӣ тақдим гардид, ки аз 3 сервер, 110 манбаи таъмини доимии барқ, 4 кондитсионер, 78 ВПН (VPN), 850 ноутбук, 115 принтер ва дигар лавозимоти зарурӣ иборат буд. Таҷҳизоти компютерии зикршуда бояд ба таҷдиди идоракунии низоми нафақа дар Тоҷикистон мусоидат намояд. Акнун ҷиҳати ҳисоб кардани ҳаҷми нафақаи ҳар як нафар аз рўи пардохти маблағҳои суғуртавияш мудирияти низоми нафақа системаи нави иттилоотиро дар даст дошта, метавонад маълумоти заруриро ҷамъ, ҳифз ва коркард кунад.Мавриди ёдоварист, ки лоиҳаи «Кумаки техникӣ барои ислоҳоти низоми нафақа дар Тоҷикистон» бо маблағи умумии 1,5 миллион евро ба ислоҳоти асоси меъёрӣ ва механизми идоракунии низоми нафақа равона шуда, то охири соли 2014 давом хоҳад дошт. Дар оянда ингуна кумакҳо дар чорчӯбаи барномаи дуюми серсоҳаи Иттиҳоди Аврупо «Дастгирии рушди инсонӣ» (ба маблағи 30,5 миллион евро барои солҳои 2014-2017) идома дода мешавад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






