Ҳисоботи телефонии раисони як қатор ноҳияҳои Хатлон ба Президент

Душанбе, 11.06.2014. (АМИТ «Ховар»). — Субҳи имрӯз Президенти мамлакат муҳтарам Эмомалӣ Раҳмон ҳисоботи раисони ноҳияҳои Панҷ, Қумсангир, Қубодиён, Шаҳритус, Носири Хусрав, Ҷилликул, Ҷалолиддини Румӣ, Вахш ва Бохтарро доир ба ҷараёни ҷамъоварии ғалладона, меваю сабзавот ва содироти онҳо, инчунин вазъи иҷрои буҷети ноҳияҳои мазкур дар давоми панҷ моҳи соли ҷорӣ шуниданд.Президенти мамлакат ба раисони ноҳияҳои зикршуда доир ба тезонидани суръати ҷамъоварии ҳосил, кишти такрорӣ ва истифодаи оқилонаи замин супоришҳои мушаххас доданд.Ҳамзамон бо ин, Роҳбари давлат масъалаи корҳои ободонии ноҳияҳои зикршуда, таъмиру таҷдиди роҳҳо ва беҳтар намудани вазъи муассисаҳои иҷтимоӣ, аз ҷумла мактабу беморхона ва бунгоҳҳои саломатиро таъкид намуданд.