Ҳодисаи нохуш аз ҷониби ронандаи ноболиғ

Июнь 3, 2014 11:57

 Душанбе, 3.06.2014. (АМИТ «Ховар», Муқаддас Темурзода). -Рӯзи  31 май, соати 13.50-дақиқа ронандаи мошини тамғаи “Toyota — Korolla” ноболиғи 17-сола, сокини шаҳри Турсунзода, хонандаи синфи 10-уми гимназияи шаҳри Душанбе,  мошини падарашро бе шаҳодатномаи ронандагӣ дар шоҳроҳи Турсунзода-Душанбе ба самти шаҳри Душанбе идора намуда, дар километри 48,9-и роҳ, ба самти муқобили ҳаракати роҳ баромада, ба мошини тамғаи “Opel — Astra” таҳти идораи ронанда Умаралӣ Шеров, соли таваллудаш 1971, истиқоматкунандаи ноҳияи Турсунзода бархӯрдааст. Дар натиҷа ронандаи мошини тамғаи “ Opel — Astra ”  Умаралӣ Шеров аз ҷароҳатҳои вазнини бардоштааш дар беморхона ба ҳалокат расида, мусофиронаш Саидмаҳмад Шеров, соли таваллудаш 1966, Мансур Шеров, соли таваллудаш 1989, Акбар Шеров, соли таваллудаш 1969, истиқоматкунандагони ҳамин ноҳия ва ронандаи мошини   “ Toyota — Korolla ” ҷароҳатҳои гуногуни ҷисмонӣ бардошта, дар беморхона бистарӣ гардидаанд.
Ҳамчунин сарчашма хабар медиҳад, ки ронандаи мошини тамғаи “ Opel — Astra ”  Комилхуҷа Хоҷаев, соли таваллудаш 1971, сокини ноҳияи Восеъ ҳангоми ҳаракат аз самти шаҳри Душанбе ба самти шаҳри Кӯлоб дар ҳудуди ноҳияи Данғара аз уҳдаи идораи воситаи нақлиёт набаромада, ба симчӯби канори роҳ бархӯрдааст. Дар натиҷа худи ронанда Комилхӯҷа Хоҷаев ҷароҳати вазнини ҷисмонӣ бардошта, дар беморхона ба ҳалокат расидааст.

Июнь 3, 2014 11:57

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд