Ҳ.Шодиев — сармураббии дастаи мунтахаби миллии Тоҷикистон

Душанбе, 04.06.2014. (АМИТ «Ховар», Пайрави  Қосим). — Федератсияи  футболи  Тоҷикистон Ҳусейн  Шодиевро ба ивази  Дамир  Камолиддинов сармураббии дастаи  мунтахаби миллии  кишвар  оид ба  футзал таъин  кард.
Хотиррасон  мекунем, ки  Дамир  Камолиддинов  баъди  дар  мусобиқоти  Осиё — 2014 дар  Ветнам  ноком  шудани  дастаи  мунтахби  кишвар аз  вазифааш  озод  карда шуд. Тавре  ки  маълум  аст,   дастаи  мунтахаби  Тоҷикистон  дар  мусобиқоти  зикршуда  бозиҳоро бо  ҳисоби 0:5 ба  дастаи  Кувайт,  бо  ҳисоби 4:10  ба   дастаи  Ветнам  ва  бо  ҳисоби  1:6 ба  дастаи  Ироқ  бохта  буд. 
Пайрав  Воҳидов муовини сармураббии  дастаи  мунтахаби  Тоҷикистон,  Акбар  Абдуллоев  маъмури нави  дастаи  мунтахаб  ва Даврон  Олимов  духтури  даста таъин  шуданд. 
Раёсати Кумитаи  иҷроияи  Федератсияи  футболи  Тоҷикистон  ба сармураббии  нав  супориш  дод, ки  дар  ҳамаи  мусобиқоти байналмилалӣ ва  дар  қисми  ниҳоии   мусобиқоти  Осиё  муваффақона  ҳунарнамоӣ  кардани  дастаи  мунтахабро  таъмин  намояд.