Ҷаласаи Шӯрои иттилоотии ИДМ дар Остона баргузор мешавад

Душанбе, 23.06.2014. (АМИТ «Ховар», Пайрави Қосим). – Ҷаласаи Шӯрои роҳбарони агентиҳои иттилоотии давлатии Иттиҳоди Давлатҳои Мустақил аз 24 то 25 июн дар шаҳри Остона баргузор мегардад. Назар ба хабари хадамоти матбуоти Кумитаи иҷроияи ИДМ, дар ҷаласа 6 масоил, аз ҷумла масъалаҳои марбут ба лоиҳаҳои муштарак дар ҳошияи Шӯрои иттилоотии ИДМ ва Анҷумани иттилотии миллӣ баррасӣ мешаванд.Хотирнишон месозем, ки Шӯрои роҳбарони агентиҳои иттилоотии давлатии Иттиҳоди Давлатҳои Мустақил соли 1995 таъсис ёфта буд, ки ба он роҳбарони агентиҳои иттилоотии Тоҷикистон, Озарбойҷон, Арманистон, Беларус, Қазоқистон, Қирғизистон, Молдова ва Русия шомиланд.Мақсад аз таъсиси Шӯро муайян кардани механизми фаъоли табодули озоди иттилоот, таъмини ҳамкории кишварҳои ИДМ дар бахши иттилоот, таҳкими мушорикати иттилоотӣ, фароҳам овардани шароити доду гирифти озоди иттилоот мебошад.