Ҷавонони тоҷик дар баҳори донишҷӯёни кишварҳои СҲШ
Душанбе, 30.06.2014. (АМИТ «Ховар», Зарангези Латиф).- Бо ибтикори созмони ҷамъиятии умумиросиягии ”Иттиҳоди ҷавонони Русия” ва Ҳукумати сарзамини Забайкал аз 2-юм то 7-уми июли соли ҷорӣ дар шаҳри Читаи Забайкали Русия Фестивали “Баҳори донишҷӯёни кишварҳои Созмони ҳамкории Шанхай” бо дастгирии Ҳукумати Русия ва намояндаи Президенти Федератсияи Русия дар минтақаи федералии Сибир доир мегардад. Ба иттилои дафтари матбуоти Кумитаи ҷавонон, варзиш ва сайёҳӣ аз Тоҷикистон бо даъвати созмони “Иттифоқи ҷавонони Русия” дар ин чорабинӣ 47 нафар намояндагон аз қишри ҷавон ва донишомўзони Консерваторияи миллӣ, Донишкадаи санъати Тоҷикистон, Донишгоҳи миллӣ, Донишкадаи тарбияи ҷисмонӣ, Сирки давлатӣ ва васоити ахбори омма таҳти раҳбарии Амиров Маҳмуд-мудири Шуъбаи байналмилалии Кумита ширкат хоҳанд кард. Дар назар аст, намояндагони Тоҷикистон дар бахшҳое, ки ба доираи фестивал шомиланд, аз қабили эҷодиёти донишомўзон дар заминаи “Мусиқӣ”, “Хореография”(раксу бозӣ), “Сабки аслӣ”; анҷумани раҳбарони (лидер) ҷавон; барномаи фарҳангӣ; медиафорум ширкат кунанд. Мақсад аз баргузории ҷашнвора иттиҳоди ҷавонон ва табодули афокору таҷрибаи ҷавонони ҳудуди кишвархои СҲШ маҳсуб меёбад.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
