5 голи беҷавоби «Истиқлол» ба дарвозаи «Парвоз»

Душанбе, 02.06.2014. (АМИТ «Ховар», Меҳрони Қурбон).-Бозиҳои даври ҳафтуми мусобиқаи қаҳрамонии лигаи олии футболи Тоҷикистон шоми 29-уми май ба поён расиданд. Ёдовар мешавем, ки бозӣ миёни ду дастаи пешсаф дар варзишгоҳи «Фурудгоҳ»-и ноҳияи Бобоҷон Ғафуров баргузор шуд. Дастаи «Истиқлол»-и Душанбе ба дарвозаи дастаи — «Парвоз» -и Бобоҷон Ғафуров панҷ голи беҷавоб зад. Голҳоро Дэвид Мауто, Хуршед Маҳмудов, Фатҳулло Фатҳуллоев, Ҷаҳонгир Эргашев ва Умедҷон Шарифов ба ҳадаф расониданд Бояд зикр кард, ки дастаи «Хуҷанд»-и Хуҷанд, ки дар шаҳри Кӯлоб бар дастаи «Равшан» бо ҳисоби 3:2 ғолиб омада, бо 14 имтиёз дар ҷадвал ба ҷойи дувум баромад. Голҳои «Хуҷанд»-ро Чарлз Теко, Фирӯз Юсуфов ва Манучеҳр Аҳмадов ба самар расонданд. Ҳарду голи «Равшан»-ро Наврӯз Рустамов ба ҳадаф расонид. Ногуфта намонад ,ки дар бозии дигари даври 7-ум «Хайр»-и Ваҳдат, ки дар майдони худ «Далерон-Ӯротеппа»-и Истаравшанро бо ҳисоби 1:0 мағлуб кард, бо 13 имтиёз дар ҷойи севум қарор гирифт.