Амалиёти “Кукнор-2014” натиҷа дод

Душанбе,10.06.2014. (АМИТ «Ховар», Лайло Тоирӣ).-Кормандони милитсия 9 июни соли равон ҳангоми гузаронидани амалиёти “Кукнор-2014” дар ҳудуди заминҳои боғи истироҳатии шаҳри Чкалов, 8 ҳазору 400 бех ниҳоли худрӯйи “бангдона”, ки вазни умумиаш 56 кило буд, дарёфт намуданд. Бино ба иттилои хадамоти матбуотии ВКД, инчунин зимни гузаронидани амалиёти“Кукнор-2014” дар мавзеи Бугоневи ноҳияи Шуғнон 3000-бех ниҳоли худрӯйи “бангдона”, ки вазнаш 14 кило буд, дарёфт карда шуд.Ҳамчунин дар ин рӯз дар заминҳои хоҷагии деҳқонии ба номи А.Ҷумъаеви ҷамоати деҳоти Исфисори ноҳияи Бобоҷон Ғафуров, 1760 бех ниҳоли “бангдона” дарёфт ва мусодира гардид.Нисбати ҳодисаҳои мазкур тафтишот идома дорад.