Азим Иброҳим оид ба зимистонгузаронӣ ҷаласа доир кард

Душанбе, 25.06.2014. (АМИТ «Ховар», Зарангези Латиф).- Дирӯз дар ҳузури муовини Сарвазири мамлакат Азим Иброҳим ҷаласаи васеи ситоди ҷумҳуриявӣ оид ба тайёрӣ ва дар сатҳи зарурӣ гузаронидани давраи тирамоҳу зимистони солҳои 2014-2015 баргузор гардид.Дар ҷаласа масоили таъмини иҷрои Қарори Ҳукумати Ҷумҳурии Тоҷикистон «Дар бораи саривақт омода намудани соҳаҳои иқтисодиёт ва иҷтимоиёти мамлакат барои фаъолияти мунтазам ва самарабахш дар давраи тирамоҳу зимистони солҳои 2014-2015» ва нақшаи чорабиниҳое, ки бо қарори мазкур тасдиқ гардидаанд. мавриди баррасӣ қарор дода шуданд.Доир ба омодагӣ ба давраи зимистонгузаронӣ ҳисоботи аъзои ситоди ҷумҳуриявӣ шунида шуда, дар ин самт фаъолияти як силсила соҳаҳои хоҷагии халқи мамлакат ғайриқаноатбахш арзёбӣ карда шуд. Тавре ки таъкид гардид, дар аксар соҳаҳо, аз ҷумла дар масъалаи истихроҷ ва таъмини ангиштсанг дар соли равон мушкилиҳо бартараф шуда, корҳо дар ин самт ҷоннок гардидаанд. Дар ин робита таваҷуҳи масъулони соҳаҳо ба масъалаи захира намудани ангиштсанг ва дигар маводи сўхт, таъмини мунтазами аҳолии мамлакат бо барқу гармӣ ва барқарорсозии иқтидорҳои мавҷудаи энергетикии мамлакат нигаронида шуд.