«Бӯсаҳои зери по»-ёде аз оҳангсози маҳбуб
Душанбе, 19.06.2014. (АМИТ «Ховар», Мавҷуда Анварӣ).-Ба истиқболи ҷашни 100 — солагии оҳангсози бузурги тоҷик- Зиёдулло Шаҳидӣ дар Осорхонаи ҷумҳуриявии ба номи З. Шаҳидӣ ба тамошобинон намоишномаи театрии «Бӯсаҳои зери по» манзур шуд.
Муҳтавои асарро гиромӣ доштани мероси мусиқии ниёгон, заҳматписандӣ, кори мушкили эҷодии ҷавонон дар замони басе мушкил ва баъзе паҳлуҳои зиндагию эҷоди оҳангсоз ташкил медиҳад. Дар маҳфил Маҳмадсаид Пиров, муовини аввали вазири фарҳанг, Мунира Шаҳидӣ, аҳли фарҳангу мусиқӣ ва дӯстдорони эҷодиёти Зиёдулло Шаҳидӣ иштирок доштанд.
Ёдовар мешавем, ки имсол 100- солагии ин оҳангсози нотакрор бо ибтикори Тоҷикистон ва қарори ЮНЕСКО — ниҳоди фарҳангии Созмони Милали Муттаҳид дар сатҳи ҷаҳонӣ таҷлил мегардад.