Ба Боғи Камоли Хуҷандӣ тарҳи нав меандозанд
Хуҷанд, 9.06.2014. (АМИТ “Ховар”, Абдуаҳад Шарифзода ). — Боғи фарҳангӣ — фароғатии ба номи Камоли Хуҷандии шаҳри Хуҷанд, ки аз соли 1959 инҷониб фаъолият дорад, то аввали соли оянда куллан тарҳи нав хоҳад гирифт. Тӯли як моҳ аст, ки дар ин мавзеъ корҳои навсозӣ ҷараён дорад.
Тавре масъулин аз мақомоти ҳокимияти шаҳри Хуҷанд иттилоъ доданд, мувофиқи нақшаи таҷдиди боғи мазкур даромади он пас азнавсозӣ аз Регистони назди қалъаи Хуҷанд оғоз шуда, дар ҳудуди маркази боғ мақбараи Камоли Хуҷандӣ бунёд мегардад. Дар паси мақбара бошад, Хонаи миллии замони зиндагии шоир бо нақшу нигори асри XV қомат хоҳад афрохт.
Дар ин мавзеъ инчунин таъсиси растаҳои ҳунармандон ва бунёди Чорбоғ бо дарахтони зардолую ангур, анҷиру анор ва ғайраҳо дар назар аст.
Боғи фарҳангиву фароғатии ба номи Камоли Хуҷандӣ, ки дар канори Қалъаи кӯҳна ва рӯди Сир дар маркази шаҳри Хуҷанд вокеъ аст, аз ҷониби мутахассисон-меъморони тоҷику эронӣ бозсозӣ мешавад. Дар ин бора бо ширкати эронии “Ситораи беназир” созишнома ҳосил шудааст.
Таҷдиду навсозии боғ дар доираи омодагӣ ба таҷлили Наврӯзи ҷумҳуриявӣ, ки соли 2015 дар маркази вилояти Суғд шаҳри Хуҷанд, бо иштироки зиёди меҳмонони дохиливу хориҷӣ баргузор мегардад, ба нақша гирифта шудааст.
Бояд гуфт, ки ҳанӯз соли 1996 ба ифтихори 675 солагии ин шоири ширинкаломи асри XV-и адабиёти форсу тоҷик дар зодгоҳаш-шаҳри Хуҷанд пайкараи ӯ гузошта шуда буд. Алҳол мувофиқ ба маълумоти фарҳангшиносон соли 2018 дар Тоҷикистон, алалхусус дар шаҳри бостонии Хуҷанд дар сатҳи баланд бо як шукуҳи хосае ҷашнгирии 700 солагии Камоли Хуҷандӣ дар назар аст.
Пас аз ифтитоҳ ин боғ минбаъд Боғи таърихиву фарҳангӣ-фароғатии Камоли Хуҷандӣ ном бурда мешавад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






