Ба ифтихори Ваҳдати миллӣ ва эҳёи Тоҷикистон

Душанбе, 20.06.2014. (АМИТ «Ховар», Ситораи Боймурод).-Дирӯз дар маҷлисгоҳи Донишкадаи кӯҳӣ-металургии Тоҷикистон ба ифтихори 17-умин солгарди Ваҳдати миллӣ ва эҳёи Тоҷикистон ҳамоиши идона баргузор гардид.
Дар чорабинӣ Мухтор Фозилов, ректори донишкада иброз дошт, ки бо гузашти солҳо мақому манзалат ва аҳамияти таърихии Созишномаи сулҳи тоҷикон бештару равшантар аён мегардад.
Раиси Ҳизби Халқии Демократии Тоҷикистон дар вилояти Суғд Сарфароз Юнусов аз хизматҳои бузурги Сарвари давлат Эмомалӣ Раҳмон дар барқарорсозии Ваҳдати миллӣ ва пойдории сулҳ дар Тоҷикистон ёдовар гардида, зикр намуд, ки рӯзи 27-уми июн барои мардуми тоҷик санаи хотирмон аст, зеро 17 сол муқаддам дар ҳамин рӯз, пас аз 40 моҳи музокирот Созишномаи умумии истиқрори сулҳ ва Ваҳдати миллӣ ба имзо расидааст.
Дар фарҷом филми мустанади “Эмомалӣ Раҳмон  — меъмори Ваҳдати миллӣ” манзури меҳмонон ва устодону донишҷӯёни донишкада гардонида шуд.