Баргузории форуми “Ташаббусҳои ихтиёриён”

 
Душанбе, 23.06.2014. (АМИТ “Ховар”, Зарангези Латиф).- 21-22-юми  июни соли ҷорӣ дар шахри Қайроққум Форуми ҷавонони кишварҳои аъзои СҲШ таҳти унвони «Ташаббусҳои ихтиёриён»  сурат гирифт. Дар он муовини раиси Кумитаи ҷавонон, варзиш ва сайёҳии кишвар Мавсума Муинова дар бораи сиёсати давлатии ҷавонон дар Тоҷикистон маълумоти мушаххас дод. Сипас намояндаи кумита К.  Миралиев мақсаду мароми форумро маънидод кард. Дар кори Форум намояндагони ниҳодҳои давлатӣ ва ғайридавлатии кишварҳои Тоҷикистон, Қирғизистон, Қазоқистон, Чин ва Русия ширкат намуда, доир ба мушаххасоти ҳаракати волонтёрӣ сухан гуфтанд.
Дар форум ширкаткунандагон роҳу василаи таҳким ва рушди ҳаракати волонтёриро дар ҳудуди кишварҳои СҲШ баррасӣ карданд.