Баррасии ҳамкориҳои энергетикӣ дар Душанбе

  Душанбе, 18.06.2014. (АМИТ «Ховар», Анна Мощенко). — Конфронси минтақавӣ оид ба табодули таҷриба дар бахши ҳамкории энергетикӣ 17 июн дар Душанбе таҳти сарпарастии Дафтари САҲА дар Тоҷикистон баргузор гардид.
  Роҳбари дафтари САҲА дар Тоҷикистон Маркус Мюллер қайд намуд, ки Конфронс барои мусоидати муколамаи энергетикӣ  дар Осиёи Марказӣ созмон дода шудааст. Яке аз самтҳои муҳими фаъолияти САҲА дар Тоҷикистон энергетика мебошад. САҲА манфиатҳои кишварро ба назар гирифта, кӯшиш мекунад вазъияти баҳснокро оид ба ин масъала ба танзим дароварда, механизмҳои дастовардҳои ҳадафҳо ва манфиатҳои миллиро  ба вуҷуд орад».
Дар конфронс таваҷҷӯҳи асосӣ ба баррасии масъалаҳои марбут ба беҳтарсозии фазои  сармоягузорӣ дар бахши энергетика зоҳир гардид.
 Раиси иттиҳодияи энергетикҳои Тоҷикистон Рафиқа Мусоева чунин меҳисобад, ки иқтидори гидроэнергетикӣ камтар аз 4% истифода гардида , манбаъҳои дигари энергияи истеҳсолшаванда  бошад, камтар аз 1% истифода мешаванд. 
Ҳамчунин дар конфронс ба масоили дипломатияи энергетикӣ, ки  барои тавсеаи муколама ва ташкили «Маркази дипломатияи энергетикӣ» дар Тоҷикистон барои солҳои 2015 таҳти сарпарастии Ҳукумати Ҷумҳурии Тоҷикистон ва бо мусоидати Дафтари САҲА платформа  гардидааст, дахл карда шуд.