Баррасии масъалаи таҳияи тавозуни озуқаворӣ

Июнь 3, 2014 15:24

Душанбе,3.06.2014. (АМИТ «Ховар», Лайло Тоирӣ).-Коршиноси шуъбаи омори Ташкилоти озуқа ва кишоварзии СММ Расмия Алиева дар доираи лоиҳаи якҷояи Агентии омор ва Ташкилоти озуқа ва кишоварзии СММ «Дастгирии тақвияти низоми миллии иттилооти амнияти озуқавории Тоҷикистон» ба Душанбе омад.Коршинос бо кормандонии Агентии омор оид ба пешниҳоди маълумотҳо оид ба тавозуни озуқаворӣ мулоқот намуд. Меъёри хароҷоти тухмӣ, сарчашмаҳои захираи давлатӣ, коэффитсиентҳои бозҳисоб, бозҳисоби ашёи хом ба маҳсулоти тайёр, муайян намудани захираи маҳсулот, тағйирёбии захираҳо баррасӣ шуданд. Бино ба иттилои хадамоти матбуоти Агентии омори назди Президенти Ҷумҳурии Тоҷикистон, ҳафтаи гузашта бо иштироки коршинос оид ба методикаи Ҳисобҳои истифодаи молтаъминкунӣ ва Тавозуни озуқавории Ташкилоти озуқа ва кишоварзии СММ дар Агентии омор семинар доир гардид. Дар семинар аз ҷониби Ташкилоти озуқа ва кишоварзии СММ — Франсуаз Трин, сармушовири техникии Лоиҳа, Абдусалоҳ Расулов — менеҷери миллии лоиҳа, Фаривар Афсаҳзод — мушовири миллии лоиҳа иштирок доштанд.Директори Агентии омори назди Президенти Ҷумҳурии Тоҷикистон Гулнора Ҳасанова барои пешниҳоди кумаки техникӣ оид ба татбиқи лоиҳаи «Дастгирии тақвияти низоми миллии иттилооти амнияти озуқавории Тоҷикистон» миннатдорӣ изҳор намуда, муҳимияти истифодаи стандартҳои байналмилалиро барои таҳияи тавозуни озуқавори баҳри тафсифи ҳолати воқеии таъминоти озуқаворӣ дар мамлакат зикр кард. Хонум Алиева оид ба методологияи Ташкилоти озуқа ва кишоварзии СММ вобаста ба таҳияи тавозуни озуқаворӣ, шарҳи тартиби таҳияи тавозуни озуқаворӣ дар Тоҷикистон ва тавсияҳо сухан гуфт. Тавсия дода шуд, ки тавозуни озуқаворӣ барои панҷ соли охир бо назардошти истифодаи методологияи нав, меъёрҳо ва коэффитсиентҳои тасдиқшуда, ки ба талаботи миллӣ мувофиқ мебошанд, аз сари нав баррасӣ шаванд. .

Июнь 3, 2014 15:24

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд