Беҳтаринҳои “Тоҷикистон кишвари туризм” муайян шуданд

Душанбе, 30.06.2014. (АМИТ “Ховар”, Зарангези Латиф).- Дар доираи чорабиниҳои бахшида ба Рўзи Ваҳдати миллӣ бахши туризми Кумитаи ҷавонон, варзиш ва сайёҳӣ барномаи беҳтарини телевизионӣ ва радиоӣ дар мавзўи «Тоҷикистон кишвари туризм»-ро дар доираи Барномаи давлатии рушди туризм дар Тоҷикистонн дар давраи солҳои 2010 -2014 доир намуд, ки ин иқдом баҳри баланд бардоштани ҳисси ватандўстӣ, баланд гардидани азму иродаи мардум дар ҳифзи марзу буми кишвар, сулҳу амният, ваҳдату дўстӣ ва ба ин васила инкишофи туризми дохилӣ дар кишвар ва ҷалби таваҷҷуҳи кулли ҷомеа ба мероси бойи таърихию фарҳангӣ ва табиии Тоҷикистон мусоидат менамояд. Бо бартарияти мазмуну мўҳтаво, масъалагузорӣ ба соҳа ва ба талаботи озмун барномаҳои беҳтарин муқаррар карда шуд. Ҳамин тариқ ҷои аввалро барномаи «Тоҷикистон диёри туризм» (муаллиф- Ҳабибулло Ҷобиров) ; ҷои дуюмро барномаи «Сайру сафар» (муаллиф-Абдувалӣ Нодиров); ҷои сеюмро барномаи «Роҳбалад» (муаллиф-Мухаммедов Сайёд) сазовор шуданд. Дар ин бора аз Кумитаи ҷавонон, варзиш ва сайёҳӣ ба АМИТ «Ховар» хабар доданд.