«Беҳтарин барномаи наврӯзӣ»-озмун дар Суғд

Душанбе, 16.06.2014. (АМИТ «Ховар», Мавҷуда Анварӣ).- Бо мақсади равнақи ваҳдату худшиносии миллӣ, тарғиби расму оинҳо ва ҷашну маросимҳои мардумӣ, бо назардошти мақом ва нақши Иди байналмилалии Наврӯз ва дар сатҳи баланди ташкилӣ ва маънавию фарҳангӣ баргузор гардидани чорабиниҳои ҷашнӣ мақомоти иҷроияи ҳокимияти давлатии вилояти Суғд барои эҷоди беҳтарин барномаи наврӯзӣ озмун эълон кардааст. 
Дар озмун адибону зиёиён, драматургону рӯзноманигорон ва хоҳишмандон метавонанд ширкат варзанд. Нусхаи барнома бояд то 10 июли соли 2014 ба раёсати фарҳанги вилоят дастрас шавад.