Боздиди М. Убайдуллоев аз «Лувр»-и Париж

Душанбе, 13.06.2014.(АМИТ «Ховар», Марзия Саидзода).- Сафари расмии ҳайати парлумонии Ҷумҳурии Тоҷикистон ба Фаронса, ки аз 9 то 12 июни соли равон таҳти роҳбарии Маҳмадсаид Убайдуллоев-раиси Маҷлиси миллии Маҷлиси Олии ҷумҳурӣ ҷараён гирифт, ба анҷом расид. Зимни ин сафар ҳайати палатаи болоии Парлумони Тоҷикистон бо роҳбарону намояндагони баландпояи Сенати Фаронса мулоқот намуда, масоили марбут ба таҳкими ҳамкориҳои байнипарлумонии Тоҷикистону Фаронсаро матраҳ намуданд.Дар доираи сафар ҳайати парлумонии Тоҷикистон аз қасри Люксембург, ки дар он қароргоҳи Сенати Фаронса ҷойгир аст, инчунин аз осорхонаи низомии Фаронса, қасри «Версал», осорхонаи «Лувр»-и Париж боздид намуда, ба Сафоратхонаи Ҷумҳурии Тоҷикистон дар Париж низ ташриф оварданд. Бояд тазаккур дод, ки сафари Маҳмадсаид Убайдуллоев ба Фаронса бо даъвати Жан-Пер Бел-Президенти Сенати ин кишвар сурат гирифта, он ҷиҳати тақвияти робитаҳои парлумонии Тоҷикистону Фаронса мусоидат хоҳад кард.