Боздиди вазири ВКД аз Маркази таълимӣ

Душанбе, 10.06.2014. (АМИТ «Ховар», Лайло  Тоирӣ). – Чанде  пеш  таҷдиду  таъмири   биноҳои  Маркази  таълимӣ,  дастаи  посбонӣ ва хадамоти  дидбонии  раёсати  ВКД  шаҳри  Душанбе ва  дастаи  милисаи  таъиноти  махсус  анҷом  ёфт. 
Тавре  ки  ВКД  ҶТ  хабар  медиҳад,  вазири   корҳои дохилӣ  Раҳимзода  Рамазон  Ҳамро, намояндаи Ҳукумати  Тоҷикистон  Рамил  Нодиров,  намояндагони  Созмони  байналмилалии  «Эмерҷенсгруп» аз  маркази  мазкур боздид  намуданд. 
Вазири  ВКД   ҳамчунин  аз  китобхона,  утоқҳои таълимию  методӣ, маркази тестӣ,  синфи  компютерӣ,  утоқҳои  хадамоти  мухталифи  мақомоти   корҳои дохилӣ,  аз  қабили  хадамоти давлатии  «Ҳифозат», хадамоти посбонию дидбонии  милиса, Бозрасии  давлатии  автомобилӣ  ва биноҳои  дигар  дидан  кард.
Маркази  таълимӣ  барои  курсантҳо  истиқоматгоҳ,  толори  варзишӣ ва  ҷойи  тирпарронӣ дорад.
Рамазон  Раҳимзода  ба  намояндагони «Эмерҷенсгруп» барои кӯмаку  дастгириашон изҳори  миннатдорӣ  кард.