Боздошти қаллоби заминфурӯш дар Душанбе

Июнь 13, 2014 11:39

Душанбе,13.06.2014. (АМИТ «Ховар», Лайло Тоирӣ).- Кормандони Агентии назорати давлатии молиявӣ ва мубориза бо коррупсияи кишвар дар шаҳри Душанбе амали ғайриқонунии навбатиро ошкор намуданд. Бино ба иттилои хадамоти матбуотии Агентӣ, Муҳамадиев Илҳом Маснабиевич, корманди Муассисаи давлатии Раёсати оромгоҳи мақомоти иҷроияи маҳаллии ҳокимияти давлатӣ дар шаҳри Душанбе бо роҳи фиреб ва суйиистифодаи боварӣ ва тасарруфи амволи ғайр, бо расонидани зарари амвол ба миқдори махсусан калон ба шаҳрванд ва сохтакории ҳуҷҷатҳо бо истифодаи техникаи компютерӣ ҷиноят содир кардааст. Номбурда бо мақсади ба даст овардани даромади муфт ба боварии шаҳрванд Шарипов Хуршед Ятимович даромада, ваъда додаст, ки бар ивази 14 ҳазор доллари амрикоӣ 0,12 га замини наздиҳавлигиро аз ҳисоби заминҳои дар кӯчаи «Сари Осиё»-и шаҳри Душанбе ҷойгирбуда ба ду шаҳрванд бо қадри 0,6 га ҷудо карда медиҳад. Муҳамадиев Илҳом Маснабиевич бо шаҳрванд Х.Шарипов вохӯрда, ҳамчун пешпардохт барои тайёр карда додани қарор оид ба ҷудо намудани қитъаи замини назди ҳавлигӣ 2 ҳазор долари амрикоӣ ва шиносномаи миллии ӯро мегирад. И. Муҳамадиев бори дуввум бо Х.Шарипов вохӯрда, барои тайёр кардаи қарор оид ба ҷудо намудани қисми боқимондаи замини наздиҳавлигӣ боз 1500 доллар гирифтааст. Илҳом Муҳамадиев 2 майи соли 2014 ҳангоми ба шаҳрванд Х. Шарипов додани қарори қалбакӣ ва гирифтани боқимонда 10 ҳазору 500 доллар дар дохили қаҳвахонаи «Арена», воқеъ дар кӯчаи Н. Қарабоев -5 — и шаҳри Душанбе дастгир шуд. Нисбати айбдоршаванда Муҳамадиев Илҳом Маснабиевич бо аломатҳои моддаҳои 247, қисми 4, банди «б» ва 340, қисми 2, банди «в»-и Кодекси ҷиноии Ҷумҳурии Тоҷикистон парвандаи ҷиноятӣ оғоз гардида, тафтишоти пешакӣ идома дорад.

Июнь 13, 2014 11:39

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд