Боздошти аъзои Ҳаракати Толибон
Душанбе, 24.06.2014. (АМИТ «Ховар», Муқаддас Темурзода). — Тавре ки маркази матбуоти ВКД ҶТ хабар медиҳад, дирӯз ҳангоми гузаронидани чораҳои фаврӣ-ҷустуҷӯӣ аз ҷониби кормандони милитсия ҳамчун гумонбар дар ташкили иттиҳоди ҷиноятӣ шаҳрвандон Тошпӯлотов Умаралӣ Қиёмович, соли таваллудаш 1985, истиқоматкунандаи ноҳияи Шаҳритус ва Кулбашев Комилҷон Абдумӯъминович, соли таваллудаш 1984, истиқоматкунандаи ноҳияи Қубодиён дастгир шуданд.
Тибқи иттилоъ, онҳо соли 2014-ум дар ҳудуди вилояти Вазиристони шимолии Ҷумҳурии Исломии Покистон дар таълимгоҳи махсуси динӣ аз шахсони ба тафтишот номаълум таълими динӣ ва малакаи экстремистӣ гирифта, баъдан дар шаҳри Ливараи Ҷумҳурии Исломии Покистон аз шахсони ба тафтишот номаълум бо номҳои Мустафо ва Ҳамидулло даъвати ҷиҳодро ҳамчун фарз қабул намуда, қасам (байят) ёд намуда, ба узвияти Ҳаракати Толибон шомил шудаанд.
Инчунин номбурдагон охирҳои моҳи майи соли 2014-ум аз марзи Ҷумҳурии Исломии Покистон бо мақсади дар амалиёти ҷангӣ дар якҷоягӣ бо аъзои Ҳаракати Толибон ба муқобили қӯшунҳои ҳарбии ИМА, ки дар ҳудуди Ҷумҳурии Исломии Афғонистон амалиёти зидди террористӣ мегузаронанд, ба марзи Ҷумҳурии Исломии Афғонистон ворид гардидаанд.
Манбаъ ҳамчунин хабар медиҳад, ки У. Тошпулотов дар давоми солҳои 2010-2014, ҷамъ шаш маротиба дар ҳудуди Ҷумҳурии Исломии Афғонистон дар якҷоягӣ бо дигар аъзои Ҳаракати Толибон дар амалиёти ҷангӣ бар зидди қӯшунҳои ҳарбии ИМА иштирок намудааст.
Аз рӯи ин ҳодиса парвандаи ҷиноӣ оғоз гардида, тафтиш идома дорад.
«ТОҶИКИСТОНИ МАН!». Дар шаҳри Ҳисор даври дуюми маҳфил-озмун ҷамъбаст карда шуд
Имрӯз дар баъзе ноҳияҳои Тоҷикистон борон меборад
Дар Донишгоҳи давлатии Хуҷанд аз рӯйи ихтисоси забони чинӣ 352 нафар таҳсил менамоянд
Дар ноҳияи Фирдавсӣ ду ташкилоти ибтидоии Ҳизби Халқии Демократии Тоҷикистон таъсис дода шуд
Вазири корҳои хориҷии Чин Ван И бо сафари расмӣ ба Ҷумҳурии Тоҷикистон меояд
Чӣ тавр метавонем дар Узбекистон бо интернет қарор дошта, чандин маротиба камтар маблағ сарф кунем
Имрӯз дар баъзе ноҳияҳои Тоҷикистон борони кӯтоҳмуддат меборад
«ОИЛА-МАКОНИ МЕҲРУБОНӢ». Дар шаҳри Норак Рӯзи байналмилалии оила таҷлил карда шуд
Дар шаҳри Турсунзода нақшаи даъват пурра иҷро гардид
Имрӯз дар Тоҷикистон ҳавои камабри бебориш пешгӯӣ мешавад
«ҶАВОНОН-ПАЙРАВОНИ ПЕШВОИ МИЛЛАТ!». Таҳти чунин унвон ҳафтаи худидоракунӣ гузаронида мешавад
Дар Душанбе вобаста ба иҷрои самараноки «Пардохти ҳушманд» ҷаласаи корӣ баргузор шуд
