Чанд хабар аз хориҷи кишвар
Марги 22 нафар дар Чин
Душанбе, 5.06.2014.(АМИТ «Ховар»).-Мувофиқи иттилои ИТАР ТАСС дирӯз дар кони ангишти «Яншитай»-и қисми ҷанубу ғарбии Ҷумҳурии Мардумии Чин бар асари таркиши газ 22 нафар ба ҳалокат расида, 5 нафар захми гуногун бардошта, ба беморхонаи кишвар интиқол дода шуд. Мувофиқи иттилои мутахассисон соҳаи саноати кўҳкании Чин хатарноктарин дар олам шумурда мешавад.
Фалокати ҳавопаймо дар Амрико
Душанбе, 5.06.2014. (АМИТ «Ховар»).-Ҳафтаи равон дар шаҳри Монрои штати Луизианаи ИМА ҳавопаймои якмуҳаррикаи тамғаи «Бичхрафт Бонанза», ки дар дохилаш танҳо сарнишин қарор дошт, ба фалокат дучор омад. Бар асари ҳодиса сарнишини ҳавопаймо шадидан осеб дида, оҷилан ба беморхона мараказӣ интиқол дода шуд. Бояд гуфт, ки чархбол аз шаҳраки Кармии штати Иллинойс парвоз намуда, дар фурудгоҳи шаҳри Монро бояд ба замин менишаст. Аммо ҳангоми фуруд омадан ба дарахтон бархурда, ба садама дучор омад.
82 млн. доллар кумакпулӣ ба мардуми Чин
Душанбе, 5.06.2014. (АМИТ «Ховар»).-Ҳафтаи равон бар асари боридани борони сел ва обхезиҳои пай дар пай дар шаҳрҳои Гуандун, Хунан, Сзянси, Футсзян ва ноҳияи мухтори Гуанси-Чжуански Ҷумҳурии Мардумии Чин наздики 9 миллиону 93 ҳазор сокин зарари ҷиддӣ дид. Теъдоди қурбониёни офати табиӣ ба 64 нафар расида ва 6 каси дигар дар қатори гумгаштаҳо қарор дорад. Бо эътино ба таҳдиди обхезиҳои навбатӣ кормандони Хадамоти наҷотдиҳии кишвар беш аз 20 ҳазор сокини минтақаҳои дучори офати табииро ба ҷойҳои нисбатан бехавф интиқол доданд. Ҳукумати Ҷумҳурии Мардумии Чин барои сокинони зарардида 82 миллион доллар кумакпулӣ ҷудо намуд. Мувофиқи иттилои расида, хисороти офати табиӣ 572 миллион долларро ташкил медиҳад.
Таркиши шадид дар Покистон
Душанбе, 5.06.2014. (АМИТ «Ховар»).-Субҳи дирӯз дар музофоти Курами Ҷумҳурии Исломии Покистон таркиши сахт ба амал омад. Бар асари ҳодиса 8 кас ба ҳалокат расида, 6 тани дигар бо захмҳои гуногун бистарӣ гардид. Масъулияти таркишро ҷангиёни ҳаракати «Толибон» ба уҳда гирифтанд. Аз соли 2001-ум то инҷониб дар пайи силсилатаркишҳо ва дигар амалҳои террористӣ ҳазорҳо нафар сокинони Ҷумҳурии Покистон ҷони худро аз даст додаанд.
Тарҷумаи Иброҳими Ҳабибуллоҳ
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
