Чаро ноболиғон мардуми осоиштаро лату кӯб мекунанд?

Душанбе, 30.06.2014. (АМИТ «Ховар», Муқаддас Темурзода). -Ба шуъбаи ВКД дар ноҳияи Сино-2, шаҳрванд Ғаниев Нозим Каримович, соли таваллудаш 1994, сокини пойтахт муроҷиат намудааст, ки рӯзи 25.06.2014, тахминан соати 20.00-дақиқа шахсони номаълум дар назди бинои 31-уми кӯчаи Испечак-2 аз ҳиссиёти баланди авбошӣ тартиботи ҷамъиятиро дағалона вайрон намуда, ӯ ва ҳамроҳонаш- Камолов Саидаъзам Сайдалиевич, соли таваллудаш 1996, сокини ноҳияи Рӯдакӣ, Холов Комил Қосимович, соли таваллудаш 1997, хонандаи синфи 10-ум ва Қурбонов Муҳаммад Аҳмадович, соли таваллудаш 1996, сокинони пойтахтро бе ягон асос лату кӯб намудаанд, ки дар натиҷа Н. Ғаниев ҷароҳати ҷисмонӣ бардоштааст. Ҳангоми гузаронидани чораҳаи фаврӣ-ҷустуҷӯӣ 3 нафар ноболиғ, хонандагони мактаби миёна дастгир шуданд. Ин ҳодиса мавриди тафтиш қарор дорад.