Чкалов: Истироҳати ройгон барои кӯдакон

Душанбе, 19.06.2014. (АМИТ «Ховар», Ситораи Боймурод).- 100 нафар хонандагони муассисаҳои таълимии  шаҳри Чкалов аз 16-уми июн то 9-уми июли соли равон дар истироҳатгоҳи шаҳрии гимназияи №2-шаҳр ройгон истироҳат менамоянд.
Ба иттилои сомонаи расмии раиси вилояти Суғд, кӯдаконе ба истироҳатгоҳ ҷалб гардидаанд, ки қисме аз оилаҳои камбизоат буда, қисми дигар ятим ва ятими кулл мебошанд.
Баҳри таъмини фароғат ва баланд бардоштани дониши хонандагон дар истироҳатгоҳ маҳфилу озмунҳо, аз ҷумла маҳфилҳои “Дастони моҳир”, “Дӯзандагиву бофандагӣ”, “Дӯстдорони табиат” , озмунҳои “Донишфизо”, “Калидчаи заррин” гузаронида мешаванд.