Чораҳои пешгирии ҷиноят миёни ҷавонон

Душанбе, 23.06.2014. (АМИТ «Ховар», Лайло Тоирӣ).-   Бо ташаббуси Раёсати Хадамоти муҳоҷирати Вазорати меҳнат, муҳоҷират ва шуғли аҳолӣ дар шаҳри Душанбе ва шаҳру ноҳияҳои тобеи ҷумҳурӣ дар якҷоягӣ бо Раёсати ҷавонон, варзиш ва сайёҳии шаҳри Душанбе ва кормандони РВКД дар Душанбе оид ба пешгирии ҷинояткорӣ дар байни ҷавонон бо омӯзгорон ва донишҷӯёни Донишгоҳи технологии Тоҷикистон мулоқот анҷом доданд.
Бино ба иттилои шуъбаи робита бо ҷомеаи Хадамоти муҳоҷират дар  мулоқот масъалаҳои пешгирии ҳуқуқвайронкунӣ ва содиршавии ҷиноятҳо аз ҷониби наврасону ҷавонон, татбиқи Қонуни ҶТ «Дар бораи масъулияти падару модар дар таълиму тарбияи фарзанд» ва Паёми Сарвари Давлат Эмомалӣ Раҳмон ба Маҷлиси Олӣ баррасӣ гардид.